Esta solución, está deseñada para realizar o control da xornada laboral dos empregados e empregadas.

Na súa modalidade de fichaxe a través de terminal, contrólase o acceso e presencia do persoal nas instalacións, para garantir a seguridade física e contribuír á xestión de recursos humanos, incluíndo aspectos coma plans de emerxencia e evacuación.

Pero ademais, permite a fichaxe a través de dispositivos móbiles e equipamento externo, o que permite xestionar as xornadas laborais da nosa plantilla en mobilidade parcial ou continua, ou que realizan a súa actividade laboral diaria fora das instalacións da empresa.

A través da aplicación, pódese engadir documentación da plantilla, xestionar as baixas, vacacións, permisos, etc.

Os dispositivos de fichaxe, o software asociado e os nosos servizos de instalación, configuración, posta en marcha, formación e soporte, conforman a solución integral.